မမရဲ့ အိမ်က ဖေဖေ၊ မေမေတို့ လက်ထက်ကတည်းကဆိုတော့ နွေဖက်တွေဆိုလည်း အေးအေးလူလူရှိဖို့ သစ်သားကြမ်းခင်းတွေကို ခင်းခဲ့ကြတယ် ထင်ပါရဲ့။ သစ်သားကြမ်းခင်း တွေဟာ ရာသီဥတုဒဏ်ကြောင့် ဆွေးမြေ့တတ်သလို၊ သန့်ရှင်းရေး ခဏခဏ လုပ်ပြန်ရင်လည်း ဆွေးမြေ့လာတတ်လို့ တော်တော်လေးကို သတိနဲ့ လုပ်ဖို့လိုပါတယ်။ ဒါကြောင့် ဒီနေ့မှာတော့ မမက သစ်သားကြမ်းခင်းတွေကို ဘယ်လိုသန့်ရှင်းရမလဲ ပြောပြပေးသွားပါမယ်။

 

၁။ ကြမ်းတိုက်နည်း

ကြမ်းခင်းမှာ ဖုံတွေ၊ သဲတွေနဲ့ လမ်းလျှောက်ရတဲ့အခါ ခြေဖဝါးမှာ ရှတတဖြစ်နေတာမျိုးကို မမ မကြိုက်ပါဘူး။ ကြမ်းခင်းလေး ပြောင်ပြောင်လက်လက်နဲ့ သဲတွေ၊ ဖုန်တွေကင်းဖို့ မမ ကြမ်းတိုက်ပါတယ်။ ကြမ်းတိုက်တဲ့အခါမှာလည်း ကြမ်းတိုက်အဝတ်ကို ရေစင်အောင်ညှစ်ပြီး ကြမ်းပြင်ကို ခပ်ဖွဖွတိုက်ပေးပါ။ ကြမ်းတိုက်အဝတ်က ရေတွေများနေရင် သစ်သားကြမ်းပြင်တွေက ဆွေးမြေ့ ပျက်စီးလာနိုင်တယ်လေ။ ကြမ်းခင်းလေး တောက်တောက်ပြောင်ပြောင်နဲ့ ရနံ့သင်းသင်းလေး ဖြစ်စေဖို့ မမကတော့ Mr. Care ကြမ်းတိုက်ဆေးရည်ကို သုံးပြီး ကြမ်းတိုက်ပါတယ်။

 

၂။ တံမြက်စည်းလှဲနည်း

သစ်သားကြမ်းခင်းတွေဟာ သေချာတော့ ထိန်းသိမ်းရပါတယ်။ တံမြက်စည်းလှဲတဲ့ အခါမှာလည်း ခပ်ကြမ်းကြမ်း အောက်ခြေရှိတာမျိုးထက် နူးညံ့တဲ့ အဝတ်စမျိုးပါတဲ့ တံမြက်စည်းကို သုံးသင့်ပါတယ်။ ကြမ်းပြင်တွေမှာ ခြစ်ရာတွေ ပေါ်လာနိုင်လို့ပါ။ ညီမတို့ သိသင့်တာတစ်ခုက သစ်သားကြမ်းပြင်ကို တံမြက်စည်းလှဲတဲ့အခါ ကိုယ့်ရဲ့ အိမ်ကကြမ်းပြင်ကို ဘယ်လိုခင်းထားသလဲ၊ ခင်းထားတဲ့ ကြမ်းခင်းရဲ့ လားရာအတိုင်း တံမြက်စည်းလှဲဖို့ ဂရုစိုက်ပေးပါ။

 

၃။ အစွန်းချွတ်ဆေး

ကိုယ့်အိမ်ရဲ့ ကြမ်းပြင်က ညစ်ပတ်နေလို့ အစွန်းချွတ်ဆေးနဲ့ သန့်ရှင်းမယ်လို့ စိတ်ထဲမှာ တွေးထားရင် အခုပဲ ထုတ်လိုက်ပါ။ အစွန်းချွတ်ဆေးတော်တော်များများက အက်ဆစ်ဓာတ်ပါဝင်လို့ သစ်သားကြမ်းပြင်ကို တိုက်စားနိုင်ပါတယ်။ 

မမအခု ပြောပြပေးခဲ့တဲ့ နည်းလမ်းလေးတွေကို အသုံးပြုရင်း ညီမတို့ရဲ့ အိမ်ဂေဟာလေးကို သပ်သပ်ရပ်ရပ်၊ မွှေးမွှေးပျံ့ပျံ့နဲ့ ပျော်ရွှင်စရာနေရာလေး အဖြစ် ဖန်တီးနိုင်ပါတယ်။