မဟေသီကို ချစ်တဲ့ သူငယ်ချင်းတို့ရေ။

ဟေလေး ဒီနေ့ပြောပြမယ့် အကြောင်းလေးကတော့ ရေဆင်းပေါက်ပိတ်တဲ့အခါ ဘယ်လို ဖြေရှင်းမလဲ ဆိုတာပါနော်။

ဟေလေးတို့ အကြောင်းအမျိုးမျိုးကြောင့် ရေဆင်းပေါက်ပိတ်ရင်လေ ဘယ်ကနေ ဘယ်လို စဖြေရှင်းမလဲ ဆိုတာပါ။

တစ်ခါတစ်လေ ကိုယ်က အပေါက်ပိတ်နေတာကို မသိလိုက်မိဘဲ ရေသုံးမိတာမျိုးဖြစ်တတ်တယ်။ အဲခါကျ ရေတွေ လျှံလာတာမျိုးတွေပါ ဖြစ်တတ်ကော။ စိတ်မပူပါနဲ့။ ဟေလေး အခုပြောပြမယ့် နည်းလမ်းလေးတွေကို စမ်းကြည့်မယ်နော်။

သဘာဝနည်းအတိုင်း ဖြေရှင်းမယ်။

သဘာဝဆိုပြီး ဥုံဖွဆိုပြီး ရေကျအောင်လုပ်တာ မဟုတ်ဘူးနော်။ ဘာတွေလိုမလဲဆို ဗင်နီကာ (ရှာလကာရည်) ရယ် မုန့်ဖုတ်ဆိုဒါ (Baking Soda) ရယ် လိုပါတယ်။ အဲ ခွက်တစ်ခုလည်း လိုသေးတာပေါ့လေ။

- အရင်ဆုံး ဘယ်နေရာပဲ ရေပိတ်ပိတ် ရေအရင်ကျအောင်လုပ်နော်။

- ပြီးရင် မုန့်ဖုတ်ဆိုဒါ တစ်ခွက်စာ (ရေသောက်တဲ့ခွက်လောက်ဆို ရပါပြီ) ကို ရေဆင်းပေါက်ထဲကို လောင်းထည့် (သေချာတော့ ထည့်နော်)

- ရေနွေးဆူဆူ နှစ်ခွက်စာကို နောက်ကနေ လောင်းထည့်ပါ။ (သက်သက်စီနော် ဆိုဒါနဲ့ မရောရဘူး) ခဏလေးစောင့် ငါးမိနစ်လောက်ပေါ့။

- ပြီးရင် မုန့်ဖုတ်ဆိုဒါ တစ်ခွက်စာ ထပ်လောင်းထည့်။ ပြီးတာနဲ့ သူ့နောက်ကနေ ဗင်နီကာကို လိုက်ထည့် တစ်ခွက်စာပဲ။

- သိပ်မကြာဘူး ဆိုဒါနဲ့ ဗင်နီကာက ပိုက်ထဲမှာ ရောသွားတဲ့အခါ အမြုပ်လေးတွေ ပလုံစီထလာတွေကို မြင်ရမယ်။ စိတ်မပူနဲ့နော်။ အဲဒါ ကောင်းတယ်။

- အမြုပ်တွေ ထပါစေဦး။ အဲ အမြုပ်ထတာ ရပ်ပြီဆိုတော့မှ ရေနွေးဆူဆူ များများသာ လောင်းချလိုက်။ (နှစ်ခွက်လောက်ဆို ရပါပြီ)

 

အဲလို သဘာဝနည်းက ထိရောက်မှုလည်း ရှိတယ် တစ်လတစ်ခါ ပုံမှန်လုပ်ပေးမယ်ဆို ရေဆင်းပေါက် ပိတ်တာလည်း သက်သာမယ်။ အဲ ရေဆင်းတာ သက်သာတယ်ဆိုပြီး ရပ်မနေနဲ့ဦး။ ဟေလေးကတော့ E-Lan ပန်းကန်ဆေးဆပ်ပြာဆီနဲ့ ဘေစင်တွေကို သန့်ရှင်းလုပ်လိုက်တယ်။ E-Lan က အဆီနဲ့ အညစ်အကြေးတွေကို သန့်စင်စေရုံတင်မကဘူး မမြင်ရတဲ့ ပိုးမွှားတွေကိုပါ ဖယ်ရှားပေးလို့ သန့်ရှင်းရေးအတွက် အဆင်ပြေစေတယ်လေ။

ဒါဆို ဟေလေး အခုပြောပြသလို ရေဆင်းပေါက်တွေပိတ်တဲ့အခါ အိမ်မှာရှိတဲ့ပစ္စည်းလေးတွေနဲ့တင် အဆင်ပြေအောင် ဘယ်လိုဖြေရှင်းမယ်ဆိုတာ သိပြီလို့ ယုံကြည်တယ်နော်။

မဟေသီက ဟေလေးကလည်း အားလုံး သာယာပျော်ရွှင်တဲ့ နေ့ရက်လေးတွေ ပိုင်ဆိုင်ပါစေလို့ ဆုတောင်းပေးလိုက်ပါတယ်။

တာ့တာ။ နောက်နေ့ကျ ဟေလေးက တခြား Tips လေးတွေနဲ့ ပြန်လာခဲ့မယ်။