အရောင်တောက်တောက် အင်္ကျီလေးတွေကြောင့် ယုံကြည်မှုတွေတိုးလာပြီပေါ့

ဟေကတော့ အပြင်သွားဖို့ ဝတ်ပြီဟေ့ဆိုရင် ကိုယ့်စိတ်ခံစားမှုနဲ့ လိုက်ဖက်တဲ့ အရောင်တွေကို ဝတ်ဖြစ်တာများတယ်။ အလုပ်ပဲသွားသွား၊ ပါတီတွေပဲသွားသွား၊ သာမန် တွေ့ဆုံပွဲမျိုးပဲသွားသွား၊ ကိုယ်နဲ့ လိုက်ဖက်တဲ့ အရောင်တောက်တောက်ကလေးတွေ၊ ဒါမှမဟုတ် အဖြူရောင် လွင်လွင်လေးတွေ ဝတ်ဖြစ်တယ်။ အဲဒီလိုဝတ်သွားရင် ကိုယ့်ကိုယ်ကိုယ် ယုံကြည်မှုပြည့်တယ်လို့လည်း ခံစားရတယ်လေ။
 
ဒီတော့ အခု ပြောပြချင်တာက၊ အဝတ်အစား အဖြူရောင်တွေနဲ့ အဝတ်အစား အသစ်တွေကို အရောင်မကူးအောင် ဟေက ဘယ်လို လျှော်တယ် ဆိုတာပါ။ အရောင်စွန်းသွားမှ၊ အစွန်းချွတ်တာထက်၊ အရောင် မစွန်းခင်တည်းက မစွန်းအောင် ကြိုတင် သတိထားတာက ပိုပြီး အဆင်ပြေပါတယ်နော်။ ဟေကတော့၊ အဝတ်အစားတွေ ပိုပြီး သစ်သစ်လွင်လွင်လေး ဖြစ်ချင်တာကြောင့် ဘာပဲ လျှော်လျှော် E-Lan ဆပ်ပြာမှုန့်နဲ့ Fino Softener အမွှေးရည်ကို အသုံးများပါတယ်နော်။
 
အစွန်း မကူးအောင် အဓိက သတိရထားမယ့် အချက် (၁) ချက်ကို သူငယ်ချင်းတို့အတွက် ပြောပြပါ့မယ်။ အဲဒါကတော့ အရောင်ပါတဲ့ (သို့) အရောင် ကျွတ်နိုင်တယ်လို့ ထင်ရတဲ့ အဝတ်အစားတွေနဲ့ အဖြူရောင်တွေကို ရောပြီးမလျှော်ပဲ သပ်သပ်လျှော်ဖို့ပါပဲ။ အဝတ်အစား အဖြူ မဟုတ်တဲ့၊ အခုမှအသစ်ဝယ်ထားတဲ့ အရောင်တောက်တောက်၊ နုနု အဝတ်အစားတွေကို ဟေက သပ်သပ်စီ ခွဲပြီး လျှော်တယ်။
 
ဟေ့အဝတ်အစားတွေ အရောင်သစ်လွင်နေစေဖို့ ဟေကတော့
 
၁။ အင်္ကျီအဖြူတွေကို အရောင်ပါတဲ့ အဝတ်အစားတွေနဲ့ ဘယ်တော့မှ ရောမလျှော်ပါဘူး။ တကယ်လို့၊ ကိုယ့်ရဲ့ အဝတ်အစားအသစ်က အရောင်နဲ့ ဖြစ်နေတယ်ဆိုရင် အရောင်ဆင်တူတွေနဲ့ ရောလျှော်ပါတယ်။ ဒါမှမဟုတ် လက်နဲ့ သပ်သပ်လျှော်ရင်လည်း ရပါတယ်နော်။
 
၂။ အဝတ်ကို မလျှော်ခင်မှာ ဟေက ၅ မိနစ် ၁၀ မိနစ်လောက် စိမ်ပါတယ်။ ပြီးမှ E-Lan ဆပ်ပြာရည်ကို သုံးပြီးလျှော်တာပေ့ါ။
 
၃။ သူငယ်ချင်းတို့ ရေနွေးကို လုံးဝမသုံးမိစေနဲ့နော်၊ ဟေ့တုန်းက သုံးမိသွားလို့ အင်္ကျီအသစ်လေးခမျာ အရောင်လေးကို နွမ်းလို့။
 
၄။ အဝတ်လှန်းရင် နေပူထဲမှာထက် နေရိပ်ထဲမှာလှမ်းတာက ပိုကောင်းပါတယ်။
 
၅။ သူငယ်ချင်းတို့ အင်္ကျီလေးတွေကို ဗီနီဂါနဲ့ စိမ်ဖို့ ဟေတိုက်တွန်းပါတယ်၊ ဒီလိုလုပ်တာက အဝတ်အစားတွေကို တောက်ပြောင်စေတာ ဟေ့ကိုယ်တွေ့ပါနော်။
 
 
အခု ဟေပြောပြတဲ့ အချက်တွေကို လိုက်လုပ်ကြည့်မယ်ဆိုရင် သူငယ်ချင်းတို့ဘာပဲ လျှော်လျှော် အရောင်ကူးမှာ မစိုးရိမ်ရတော့ပါဘူးနော်။ ဒီတော့ အဝတ်အစား တောက်တောက်ပပလေးတွေ ဝတ်ပြီး စိတ်ကြည်လင် လန်းဆန်းနိုင်ပြီပေါ့နော်။ နောက်ပြီး၊ ယုံကြည်မှုရှိရှိနဲ့လည်း အပြင်တွေ သွားလို့ရပြီပေါ့။