တောင်းမှာအကွပ် လူမှာအဝတ် ဆိုသလို၊ အဝတ်အစားကလည်း အင်မတန်မှ အရေးကြီးပါတယ်နော်။ ဟေကတော့ အပြင်ထွက်ရင်၊ အမြန်လိုနေရင်တောင်မှ တတ်နိုင်သမျှ ပြင်ဆင်ပြီးမှ ထွက်ဖြစ်ပါတယ်။

ကိုယ်က မိတ်ကပ်တွေ ဘာတွေ မလိမ်းဖြစ်ဖူးဆိုရင်တောင်မှ၊ အဝတ်အစား သပ်သပ်ရပ်ရပ်ကလေးနဲ့ အမြဲသွားတယ်။ ဒီတော့ ဟေက အဝတ်အစားတွေဆိုရင် မီးပူတိုက်ပြီးမှ ဝတ်တာပေါ့။ 

ဟေကတော့ အဝတ်လျှော်တဲ့အခါတိုင်း E-Lan Ultra ဆပ်ပြာနဲ့လျှော်ပြီးနောက် မီးပူတိုက်ရပိုလွယ်သွားအောင် Fino တံဆိပ် Fabric Softener ကိုပါ အမြဲသုံးပါတယ်။

 

Fabric Softener ကိုဘယ်လိုသုံးလဲဆိုရင်…

1.    ဟေအဝတ်လျှော်စက်မှာ Fabric Softener ထည့်တဲ့နေရာလေးပါတော့ ကိုယ်လျှော်မယ့် အဝတ်အစားရဲ့ အနည်းအများပေါ်ကြည့်ပြီး Softener ကို ထည့်လိုက်ရုံပဲလေ။ ဘယ်အချိုးအဆ ထည့်ရမယ် မသိရင်တော့၊ Softener အထုပ်မှာပါတဲ့ လမ်းညွှန်ချက်အတိုင်း သွားလို့ရပါတယ်။

2.    Softener ထည့်တဲ့ နေရာ မပါဘူးဆိုရင်တော့၊ အဝတ်လျှော်စက်ရဲ့ Manual Book မှာ တစ်ချက် ကြည့်ကြည့်ပါဦး။ အများအားဖြင့်တော့၊ ဆပ်ပြာမှုန့်ထည့်တဲ့ အံဆွဲရဲ့ အကန့်တစ်ခုမှာ ထည့်ကြရတာ များပါတယ်။ 

3.    လက်နဲ့ လျှော်တဲ့အခါတော့၊ ဟေက Softener နဲ့ ရေနဲ့ကို အဝတ်လျှော် ဇလားထဲမှာ အရင် ရောမွှေလိုက်တယ်။ ပြီးရင်၊ ဆပ်ပြာမှုန့်နဲ့ လျှော်ထားပြီး ရေဆေးပြီးသား ဖြစ်တဲ့ အဝတ်တွေကို Softener ထည့်ထားတဲ့ ဇလားထဲမှာ (၃) မိနစ်ကနေ (၅) မိနစ်ဝန်းကျင်လောက် ရေစိမ်ပြီးတဲ့အခါ ရေစစ်ပြီး လေကောင်းလေသန့်နဲ့ နေရောင်ရတဲ့ နေရာမှာ လှန်းလိုက်ပါတယ်။

 

အဲဒီလို Softener နဲ့ စိမ်ထားတာကြောင့် ခြောက်သွားတဲ့ အဝတ်တွေမှာ နူးညံ့ပြီး မွှေးနေတာကို ဟေကအရမ်းသဘာကျတာ။

ပြီးရင်တော့ မီးပူတိုက်ရတော့မယ်ပေါ့။ ဒီတော့ ဟေ့ရဲ့ မီးပုံတိုက်ပုံ အဆင့်ဆင့်ကတော့..

 

1.    အရင်ဆုံး ခြောက်နေတဲ့ အင်္ကျီကို  စပရေး အသုံးပြုပြီး အနည်းငယ် စိုစွတ်သွားအောင် ရေဖြန်းပေးပါတယ်။

2.    ပြီးရင်တော့ကော်လံကို အရင်ဆုံး မီးပူတိုက်ပါ။ ကော်လံကို နည်းနည်းလေးဖိပြီး တိုက်ပေးရပါမယ်။

3.    ပြီးရင် လက်အနားတွေကို တိုက်ပါတယ်၊ အဲ့ဒီအချိန်မှာ ဟေက လက်အနားမှာ ရှိတဲ့ ကြယ်သီးတွေကို ဖြုတ်ပြီးမှ  တိုက်ဖို့ ပြောချင်ပါတယ်။

4.    နောက်တစ်ဆင့်အနေနဲ့ အင်္ကျီ ရှေ့အခြမ်းကို တိုက်ပါတယ်။ ရှေ့ခြမ်းကို တိုက်တဲ့အခါမှာ ကြယ်သီးတွေရှိတဲ့နေရာကို အရင်တိုက်ရတာပေါ့။ ပြီးမှ ကျန်တဲ့နေရာတွေကို မီးပူ ဆက်တိုက်ပါတယ်။

5.    နောက်ခြမ်းကို စတိုက်ပြီဆိုရင် ဟေက ပခုံးကို စတိုက်ပြီးမှ ကျန်တဲ့ နေရာတွေကို တိုက်ပါတယ်။

6.    ပြီးမှပဲ အင်္ကျီလက်တွေကို ဆက်တိုက်ပါတယ်။

 

အမြန်လိုနေလို့ အင်္ကျီတစ်ထည်လုံး မီးပူတိုက်ဖို့ အချိန်မရှိဘူးဆိုရင် ဟေကတော့ ကော်လံနဲ့ လက်အနားတွေကိုပဲ တိုက်ပြီး ဝတ်သွားတော့တယ်။ တကယ်လို့ ကိုယ်မီးပူတိုက်မယ့် အင်္ကျီက ကော်လံ မပါတာ၊ လက်ပြတ်မျိုးဆိုရင် အနားတွေကစပြီး ကျန်တာတွေကို မီးပူတိုက်လိုက်တယ်၊ ဥပမာ - ဟေတို့ အမြဲဝတ်ဝတ်နေတဲ့ ဂါဝန်အတိုလေးတွေလိုပေါ့။

 

နောက်ပြီး၊ မီးပူတိုက်ရ လွယ်ဖို့အတွက် အဝတ်လျှော်တဲ့အခါမှာ Fino လို Softener မျိုး သုံးပေးနော်။ ဟေကတော့၊ ဘယ်တော့ဖြစ်ဖြစ်၊ အဝတ်လျှော်တိုင်း Softener လေး သုံးရမှ ကျေနပ်တယ်။ ဒါမှ Softener အနံ့မွှေးမွှေးလေးနဲ့ မီးပူ တိုက်ထားလို့ အကျီလေးက သပ်သပ်ရပ်ရပ်ဖြစ်နေမယ်ဆိုရင် အရမ်းတွေကို ချစ်စရာကောင်းနေတော့မှာပါနော်။