မိုက်ခရိုဝေ့ဗ် မီးဖိုကို သန့်သန့်ရှင်းရှင်း ဖြစ်စေဖို့

ကျွန်မကတော့ မီးဖိုချောင်မှာ အရေးကြီးဆုံးက သန့်ရှင်းမှုပဲလို့ ယူဆထားပါတယ်။ မီးဖိုချောင် သန့်ရှင်းနေမှပဲ တစ်အိမ်သားလုံး ကျန်မားပျော်ရွှင်ကြမှာပါ။ ဒါကြောင့် တစ်နေ့တာအတွက် ချက်ပြုတ်ပြီးသမျှကိုလည်း ချက်ပြီးတာနဲ့ ဆေးတယ်။ ပန်းကန် ခွက်ယောက်တွေဆိုလည်း စားပြီးတာနဲ့ ချက်ချင်း ဆေးကြောဖြစ်တယ်။ နောက်ပြီး သားလေး ကျောင်းက ပြန်လာပြီဆိုရင်လည်း သူ့ထမင်းဘူး၊ ရေဘူးကိုလည်း ဆေးကြောပေးတယ်။ ဒီလို ဆေးကြောတာကလည်း ပြီးပြီးရော ဆေးကြောရုံနဲ့ မရပါဘူး။ အရည်အသွေးကောင်းတဲ့ ဆပ်ပြာတွေ သုံးမှ ရောဂါပိုးမွှား ကင်းစင်ပြီး သန့်ရှင်း ပြောင်လက်နေမှာပါနော်။ ဒါကြောင့် ကျွန်မကတော့ အိမ်မှာ E-Lan ပန်းကန်ဆေးဆပ်ပြာကို အမြဲမပြတ် ဆောင်ထားတယ်။

အခု ပြောပြမှာကလည်း E-Lan ပန်ကန်းဆေး ဆပ်ပြာနဲ့ Microwave ကို ဘယ်လို သန့်ရှင်းဆေးကြောသလဲ ဆိုတာကို ပြောပြမှာပါ။ Microwave သန့်ရှင်းနေဖို့ကလည်း အရေးကြီးပါတယ်။ Microwave ကို မသန့်ရှင်းဘဲ ဆက်တိုက် အသုံးပြုမယ်ဆိုရင် Microwave အတွင်းနံရံအနံ့မှာ အဆီတွေ ဝေ့ပြီး ချေးကွက်တွေ ဖြစ်လာတတ်ပါတယ်။ အဲဒီကနေ ဘက်တီးရီးယားတွေ ဖြစ်လာနိုင်ပြီး အစားအစာတွေထိ ပါလာနိုင်ပါတယ်။ တတ်နိုင်သမျှ Microwave ကိုလည်း သန့်ရှင်း ထားမယ်ဆိုရင် အကောင်းဆုံးပါပဲ။ အခု ကျွန်မ ပြောပြမယ့် Microwave ကို သန့်ရှင်းတဲ့ နည်းလမ်းက အင်မတန်မှ ရိုးရှင်းပြီး လွယ်ကူတာကြောင့် မေမေတို့ အားလုံးအတွက် အဆင်ပြေမှာပါနော်။

အဆင့် (၁) - E-Lan ပန်းကန်ဆေးဆပ်ပြာကို ရေနဲ့ ရောပြီး ဆပ်ပြာရည်ဖျော်ပါ။

အဆင့် (၂) -  ရောထားတဲ့ ဆပ်ပြာရည်ထဲကို အစိမ်းရောင် ဖော့ပြားကို နှစ်လိုက်ပါ။

အဆင့် (၃) - Microwave ထဲက Glass Plate ကို ယူထုတ်ပြီး အရင်ဆုံး ဖော့တုံးနဲ့ တိုက်ချွတ်ပေးပါ။ ပြီးရင် Glass Plate ကို ရေဆေးပြီး အပြင် ခဏထားထားပါ။

အဆင့် (၄) - ဖေ့ာတုံးကို ဆပ်ပြာရည်ထဲ ပြန်နှစ်ပြီး Microwave အတွင်းထဲကို တိုက်ချွတ်ပါ။ ချေးတွေ ပိုများတဲ့ နေရာတွေကိုတော့ အားထည့်ပြီး တိုက်ချွတ်ပေးပါ။

အဆင့် (၅) - Microwave ရဲ့ တံခါးကိုလည်း ဆပ်ပြာရည်နဲ့ တိုက်ချွတ် ဆေးကြောပေးပါ။

အဆင့် (၆) - ရေစိုနေတဲ့ အဝတ်စ၊ ဒါမှမဟုတ် လက်သုတ်ပုဝါနဲ့ Microwave တစ်ခုလုံးကို ဆပ်ပြာတွေ ပြောင်သွားအောင် သုတ်ပေးပါ။

ဖတ်ကြည့်လိုက်ရုံနဲ့ အရမ်းကိုမှ လွယ်တယ်ဆိုတာ သိသာပါတယ်နော်။ Microwave မသန့်ရင် သန့်တဲ့ အစာတွေ ပြန်နွေးရင်တောင် မသန့်မရှင်း ဖြစ်သွားနိုင်ပါတယ်။ ဒါကြောင့် ကျွန်မ ပြောတဲ့ နည်းလေးအတိုင်း E-Lan ပန်းကန်ဆေး ဆပ်ပြာ နဲ့ အိမ်မှာလည်း Microwave ကို ပုံမှန်လေး ဆေးကြောပေးဖို့ တိုက်တွန်းလိုက်ပါတယ်နော်။