သားသားမီးမီးတို့ရဲ့ ရေဘူးကို အမြဲတမ်း သန့်ရှင်းနေပါစေ

ကလေးငယ်လေးတွေ နှာစေး၊ ချောင်းဆိုးတာ၊ အဲဒီကနေ တဆင့် ဖျားတာ၊ နာတာတွေ ဖြစ်တယ်ဆိုတာ သူတို့သောက်နေကြ ရေဘူးနဲ့လည်း များစွာဆိုင်ပါတယ်။ ရေမသန့်တာကြောင့်လည်း ဖြစ်နိုင်သလို၊ ရေဘူးမှာ ရောဂါပိုးမွှားတွေ ကပ်နေတာကြောင့်က ပိုပြီး ဖြစ်နိုင်ပါတယ်။ ဒါကြောင့် သူတို့လေးတွေရဲ့ ရေဘူးကို အမြဲသန့်ရှင်းနေစေဖို့က ကျွန်မတို့လို အမေတွေရဲ့ အရေးကြီး တာဝန် တစ်ရပ်ပါပဲ။

နောက်ပြီး ကလေးတွေဆိုတာ သူတို့ ရေဘူးကို တခြား သူတို့ သူငယ်ချင်းတွေကိုလည်း လျှောက်တိုက် နိုင်တယ်လေ။ ပြီးတော့ သူတို့က ရေဘူးကို ပစ်ချထားချင်တဲ့ နေရာမှာလည်း ပစ်ထားနိုင်သေးတယ်။

ဒါကြောင့် ကျွန်မကတော့ သားလေး ကျောင်းက ပြန်လာလို့ သူ့ရဲ့ ထမင်းဘူးတွေ ဆေးတဲ့အခါတိုင်း ရေဘူးကိုပါ တစ်ပါတည်း ဆေးလေ့ရှိပါတယ်။ ပြီးရင် သေချာတဲ့နေရာတစ်ခုမှာ သိမ်းထားလိုက်ပါတယ်။ နောက်နေ့ မနက် ကျောင်းသွားတဲ့ အခါတိုင်း သန့်ရှင်းသပ်ရပ်တဲ့ ရေဘူးလေးနဲ့ သောက်စေချင်လို့ပဲ ဖြစ်ပါတယ်။ သူတို့ ရေဘူးက လူကြီးတွေ သောက်တဲ့ ရေဘူးနဲ့ မတူတဲ့အတွက် ပြီးပြီးရော ဆေးလို့ မဖြစ်ပါဘူး။ အဖွင့်၊ အပိတ်တွေ၊ ပိုက်တွေပါ ပါတဲ့အတွက် အားလုံး ဖြုတ်ပြီး ဆေးရပါတယ်။ ဒါမှ ရောဂါပိုးမွှားကင်းစင်မှာပါ။ ဒီအောက်မှာ ပြောပြထားတာကတော့ ကျွန်မ သားလေးရဲ့ ရေဘူးကို ဆေးပေးတဲ့ နည်းလမ်း အဆင့်ဆင့်ပါပဲ။ မေမေတွေ အားလုံးအတွက်လည်း အသုံးဝင်မှာပါနော်။

၁။ အရင်ဆုံး ရေနွေးဆူဆူကို ရေဘူးထဲထည့်ပါ။

၂။ ပြီးရင် အဖုံးကိုပိတ်၊ သေသေချာချာ လှုပ်ပြီး ရေတစ်ဝက် လျှော့ပါ။

၃။ အဲ့ဒီနောက် E-Lan ပန်းကန်ဆေး ဆပ်ပြာရည်ကို ထည့်ပြီး ထပ်လှုပ်ပါ။

၄။ ပြီးတဲ့အခါ ရေဘူးအဖုံးကို ဖွင့်ပြီး ရေအားလုံးကို သွန်လိုက်ပါ။

၅။ ပြီးရင် ရေဘူးကို ရေနွေးနွေးလေးနဲ့ ဆေးပါ။

၆။ ဆေးပြီးတဲ့ ရေဘူးကို အခြောက်ခံထားပါ။

၇။ ကလေးတွေ ကျောင်းမသွားခင် ဒီရေဘူးကို ရေလေးနဲ့ ပြန်ကျင်းပေးပါ။

ဒီလို ဆေးကြောပြီးလို့ သိမ်းဆည်းထားလိုက်မယ်ဆိုရင်၊ နောက်တစ်နေ့ သားလေး ကျောင်းတဲ့အခါ ရေဘူးသန့်သန့်လေးနဲ့ ထည့်ပေးလိုက်ရုံပါပဲ။ ပြီးတော့ ရောဂါပိုးမွှားလည်း ကင်းစင်ပြီးသား ရေဘူးလေးကို စိတ်ချလက်ချနဲ့  ထည့်ပေးလိုက်ရတာ ဆိုတော့၊ အမေဖြစ်တဲ့ ကိုယ်တွေလည်း စိတ်အေးရတာပေါ့။ ဒါကြောင့် ဖြစ်နိုင်မယ်ဆိုရင် ကိုယ့်သားသားမီးမီးတွေရဲ့ ရေဘူးကို ပုံမှန်လေးတော့ အမြဲဆေးပေးစေချင်ပါတယ်။