မီးဖိုချောင်ထဲ ကျူးကျော်လာတဲ့ ပုရွက်ဆိတ်တွေကို အမြစ်ပြတ် ဖြေရှင်းနိုင်မယ့် နည်းလမ်း

ကျွန်မက ကိုယ့်အိမ်ရဲ့ မီးဖိုချောင်ကို အမြဲတမ်း သန့်အောင် ထားဖြစ်ပါတယ်။ နေ့တိုင်းနီးနီး သန့်ရှင်းရေး လုပ်ဖြစ်တယ်။ ဒါပေမယ့် ထင်မှတ်မထားဘဲ မီးဖိုချောင်မှာ ပုရွက်ဆိတ်တွေနဲ့ ကြုံရတဲ့နေ့ဆိုရင်တော့ တကယ်ကို အဆင်မပြေပါဘူး။ အိမ်ရှင်မတိုင်း ကျွန်မလို ခံစားဖူးမှာပါ။ သိတဲ့အတိုင်း ပုရွက်ဆိတ်တွေ ဆိုတာကလည်း ဘယ်ကနေလာပြီး ဘယ်ကို သွားနေမှန်း လွယ်လွယ်နဲ့တော့ မသိနိုင်ဘူးလေ။

 

ဒါပေမယ့် ကျွန်မမှာ ဒီပုရွက်ဆိတ်တွေကို ရိုးရိုးရှင်းရှင်းနဲ့ ဖြေရှင်းနိုင်မယ့် နည်းလမ်းရှိပါတယ်။ ဒီနည်းလမ်းမှာ အဆင့် (၃) ဆင့်ပါဝင်ပါတယ်။ ဒီအဆင့်တွေအတိုင်း လုပ်ကြည့်မယ်ဆိုရင် ပုရွက်ဆိတ်တွေကို အလျင်မြန်ဆုံး မီးဖိုချောင်ထဲကနေ မော င်းထုတ်နိုင်မှာပါ။

 

အဆင့် (၁) - ကြိုတင်ကာကွယ်ပါ။

ပုရွက်ဆိတ်တွေက သူတို့ အစာရှိရာဆီပဲ သွားတာ ဖြစ်တဲ့အတွက် အစားအစာတွေကို မီးဖိုချောင်ထဲမှာ သေသေချာချာ သိမ်းထားမယ်ဆိုရင်တော့ ပုရွက်ဆိတ်တွေ မပေါ်လာနိုင်ပါဘူး။

၁။ မကုန်သေးတဲ့ အစာတွေကို သေချာထုပ်ပိုးပြီး ရေခဲသေတ္တာထဲမှာ သိမ်းပါ။

၂။  စားကြွင်းစားကျန်တွေနဲ့ အမှိုက်သရိုက်တွေကိုလည်း စနစ်တကျ သိမ်းဆည်းပြီး စွန့်ပစ်ပေးရမှာပါ။

၃။ စားပြီးသား ပန်းကန် ခွက်ယောက်တွေကို တစ်နေ့အတွင်း အပြီးဆေးပါ။ (ဆေးတဲ့အခါမှာလည်း ကျွန်မ သုံးလေ့ရှိတဲ့ E-Lan ပန်းကန်ဆေး ဆပ်ပြာလို အရည်အသွေးပြည့် ဆပ်ပြာရည်နဲ့ ဆေးကြောပေးတာ အကောင်းဆုံးပါပဲ။ ဒါမှ ပန်းကန်မှာ အညစ်အကြေးတွေနဲ့ အနံ့သက်တွေ မကျန်နေမှာပါ။)

၄။ အစာ စားပြီးတိုင်း ထမင်းစားပွဲကို အဝတ်နဲ့ သုတ်ပြီး သန့်ရှင်းပါ။  

၅။ ကြမ်းပြင်ပေါ်မှာလည်း စားကြွင်းစားကျန် ရှိနေနိုင်တဲ့အတွက် တံမြက်စည်းကို နေ့စဉ် လှဲကျင်းပေးပါ။

 

အဆင့် (၂) ပုရွက်ဆိတ် လာရာလမ်းကို ရှာဖွေပါ။

ကိုယ်က ဘယ်လိုပဲ မီးဖိုချောင်ကို သန့်ရှင်းအောင် ထားထား၊ ပုရွက်ဆိတ်က လာနေတုန်းပဲ ဆိုရင်တော့၊ သူတို့ရဲ့ လမ်းကြောင်းကို ရှာပြီး ဖြေရှင်းတဲ့ ဒီနည်လမ်းက အသုံးဝင်မှာပါ။

၁။ ပုရွက်ဆိတ် လမ်းကြောင်းက ဘယ်က အစပြုလဲ ဆိုတာ လိုက်ကြည့်ပါ။

၂။ ဒီလို လိုက်ကြည့်တာ အချိန်တော့ ပိုကုန်ပေမယ့်၊ လမ်းကြောင်းအစကို သိသွားပြီဆိုတာနဲ့ အမြစ်ပြတ် ဖြေရှင်းလို့ရမှာပါ။ အချိုတစ်ခုခုနဲ့ ပုရွက်ဆိတ်တွေကို မျှားပြီး သူတို့ လမ်းကြောင်းကို ရှာမယ်ဆိုရင်တော့ ပိုမြန်နိုင်ပါတယ်။

၃။ သူတို့ လမ်းကြောင်းကို သိပြီဆိုရင် သူတို့ အသိုက်ကို သိနိုင်ပါပြီ။

၄။ အသိုက်ကို သိပြီဆိုရင်တော့ ရေနွေးနဲ့ လိမ္မော်သီး အခွံတွေကို ဖျော်စက်နဲ့ ရောသမမွှေပြီး၊ ဖျော်ရည်ကို အသိုက်ထဲကို လောင်းချလိုက်ပါ။

    

အဆင့် (၃) : အမြစ်ပြတ် ဖယ်ရှားပါ။

နောက်ဆုံး အဆင့် ဆိုတဲ့အတိုင်း မီးဖိုချောင်ထဲကနေ ဒီပုရွက်ဆိတ်တွေကို အမြစ်ပြတ် ဖြေရှင်းရမယ့် အဆင့်ပါပဲ။

 

၁။ ရေနဲ့ ဗီနီဂါကို ရောပြီး စပရေးဘူးထဲကို ထည့်ပါ။ ပြီးရင် စပရေးနဲ့ မီးဖိုချောင်တဲ့ ဝင်လာလေ့ရှိတဲ့ ပုရွက်ဆိတ် လမ်းကြောင်း တစ်လျှောက်ကို လိုက်ဖြန်းပေးပါ။ ပြီးရင် အဝတ်စ တစ်ခုခုနဲ့ သုတ်ပေးပါ။ ဒီလိုမျိုး ပုံမှန် လုပ်ပေးသွားမယ်ဆိုရင်တော့ နောက်နောင်မှာ ပုရွက်ဆိတ်တွေ ဝင်လာမှာကို ကာကွယ်ပြီးသားလည်း ဖြစ်သလို မီးဖိုချောင်လည်း သန့်ရှင်းပြီးသား ဖြစ်ပါတယ်။

 

၂။ နောက်တစ်နည်းက ဆပ်ပြာရည်ပါ။ E-Lan ဆပ်ပြာရည်နဲ့ ရေကို ရောပြီး စပရေးဘူးထဲ ထည့်ပါ။ ပုရွက်ဆိတ် လမ်းကြောင်းတွေကို လိုက်ဖြန်းပါ။ ဖြန်းပြီးရင် (၅) မိနစ်ခန့်ထားထားပြီးမှ အဝတ် တစ်ခုခုနဲ့ သုတ်ပေးပါ။

 

သတိပြုရန် : ပုရွက်ဆိတ် လမ်းကြောင်းကို ရှင်းပြီးတဲ့အခါမှာလည်း အနံ့ပါ မကျန်အောင် သေချာရှင်းရမှာပါ။ အနံ့ကျန်နေသေးရင် ပုရွက်ဆိတ်တွေ ပြန်ရောက်လာနိုင်ပါတယ်။

ကျွန်မကတော့ မီးဖိုချောင်တင် မဟုတ်ဘူး။ အိမ်ရဲ့ ဘယ်နားမှာ ပုရွက်ဆိတ်တွေ့တွေ့ ဒီအဆင့် (၃) ဆင့်ကို အသုံးချပြီး ဖြေရှင်းပါတယ်။ ကျွန်မလို ကိုယ့်မီးဖိုချောင်၊ ကိုယ့်အိမ်လေးကို သန့်သန့်ရှင်းရှင်းလေး ထားချင်တယ်ဆိုရင်တော့ ဒီနည်းလမ်းလေးအတိုင်း လုပ်လိုက်ပြီး သန့်ရှင်းသပ်ရပ်တဲ့ အိမ်လေးကို ပိုင်ဆိုင်ကြပါစေနော်။