အဝတ်အစားတွေကို လက်နဲ့လျှော်ကြမယ်

ဟေလေးက မဟေသီကို ချစ်တဲ့ သူငယ်ချင်းတွေအတွက် လက်နဲ့အဝတ်လျှော်ရင် ဘယ်လိုလျှော်တာ အကောင်းဆုံးလဲဆိုတာကို ဒီနေ့ပြောပြမယ်။

ဟေလေးကို မေးမှာပေါ့။ အဝတ်လျှော်စက်တွေရှိနေတာ ဘာလို့လက်နဲ့လျှော်မှာလဲပေါ့။ ဟေလေးတို့ကျတော့ မြန်မာဝတ်စုံလေးတွေ ပိုးသားလေးတွေ ဆွဲသား ကတ္တီပါ အဲဒါမျိုးတွေတော့ လက်နဲ့လျှော်တော့ အရမ်းကြီး အင်္ကျီကိုမထိခိုက်တော့ဘူး။ အဲ ကျောက်တွေကပ်ထားတယ်ဆို ပိုတောင် ဂရုစိုက်ရသေးတယ်။ စက်နဲ့ ရောလျှော်ပြီး ပြုတ်ကုန်မှ အသည်းကွဲရဦးမယ်။ ဒါပေမယ့် အခု ဟေလေးပြောမယ့် လက်နဲ့လျှော်တဲ့အကြောင်း ကတော့ အားလုံးအဆင်ပြေမယ်လို့ ယုံကြည်တယ်။ အာ့ကြောင့်မို့ ဟေလေးက ရေးမယ်။ ချစ်တို့က တူတူလိုက်ဖတ်နော်။

၁။ အရင်ဆုံး လျှော်မယ့် အဝတ်တွေထဲက လက်နဲ့ လျှော်ရမယ့် အဝတ်တွေကို အရောင်ပါတာရယ် အဖြူတွေရယ် သပ်သပ်အရင်ဖယ်လိုက်မယ်။

၂။ လက်နဲ့လျှော်မယ်ဆို ဟေလေးက E-Lan ရဲ့ Ultra ကို သုံးတယ်။ လက်နဲ့ဆို လက်မစားတဲ့အပြင် တစ်ဇွန်းထဲနဲ့လဲ ချေးတွေကို ထိထိရောက်ရောက်သန့်စင်ပေးတယ်။

၃။ အဝတ်ပျော့ဆေး Softener က လက်နဲ့လျှော်မယ်ဆို သုံးလို့အကောင်းဆုံးပဲ။ ဟေလေးက ဟေလေးကြိုက်တဲ့ Fino လေးကို သုံးမယ်။

၄။ ဟေလေးက လျှော်မယ့် ဇလုံထဲကို ရေရယ် ဆပ်ပြာမှုန့်ကို အရင်ထည့်။ အမြုပ်ထအောင် အရင်မွှေလိုက်တယ်။

၅။ ပြီးတာနဲ့ လျှော်မယ့်အဝတ်တွေကို ဇလုံထဲထည့်၊ လျှော်တယ်ပေါ့။ လျှော်တဲ့အခါ လက်နဲ့ဆိုတော့ လည်ပင်းနားတွေ အစွန်းလေးတွေရှိတဲ့နားတွေဆို သေချာကိုပွတ်လျှော်တယ်။

၆။ သေချာလေးဖွပ်ပြီးတာနဲ့ ဆပ်ပြာရည်တွေကို သွန်တယ်။ ပြီးရင် အဝတ်တွေကို ရေစင်အောင်ဆေးတယ်။

၇။ နောက်ဆုံးတစ်ရေဆေးဖို့ ကျန်တဲ့အခါ ဟေလေးက Fino လေးထည့်တယ်။ အများကြီးသုံးစရာမလိုဘူးရယ်။ လိုသလောက်လေးပဲ ထည့်။ နောက်ပြီး Softener လေးနဲ့ ငါးမိနစ်လောက် စိမ်ထားလိုက်တယ်။

၈။ ငါးမိနစ်လောက်ပြည့်တာနဲ့ ဟေလေးက Fino စိမ်ထားတဲ့ အဝတ်တွေကို  ရေညှစ်တယ်။ လက်နဲ့လျှော်တယ်ဆို Softener တွေကို သက်သက်ဆေးချစရာမလိုဘူးရယ်။ စိမ်ပြီး ရေတန်းညှစ်လိုက်ရုံပဲ။

၉။ ကဲ နောက်ဆုံးတော့ နေပူထဲ လှမ်းလိုက်ရုံပါပဲနော်။

 

နောက်ပြီး အရောင်ပါတာတွေကို သက်သက်လျှော်မယ်ဆိုလဲ အဲလိုလျှော်မယ်ဆိုလဲရတာပါပဲ။ ရောလျှော်တာထက် သက်သက်လျှော်တော့ အရောင်တွေမစွန်းတော့ မရောတော့ဘူးပေါ့နော်။

ကဲ အခုဆို လက်နဲ့မှ သေချာလျှော်မှရမယ့် အဝတ်အထည်တွေအတွက် ဟေလေးပြောသလို လျှော်ကြည့်ကျပါလို့။ အဆင်ပြေတယ်ဆို ဟေလေးကို သတိရနော်။

အားလုံးပဲ သာယာပျော်ရွှင်တဲ့နေ့သစ်လေးတွေကို ပိုင်ဆိုင်နိုင်ကြပါစေ။

ချစ်တဲ့ ဟေလေး။