မဟေသီကို အမြဲဖတ်နေတဲ့ ချစ်တို့ရေ

ဒီနေ့တော့ ဟေလေးက ချစ်တို့ကို အတွင်းဝတ် ဘရာစီယာတွေကို ဘယ်လိုလျှော်ပြီး ထိန်းသိမ်းသင့်တယ်ဆိုတာ ရေးပြမှာဖြစ်ပါတယ်။

Bra တစ်ထည်လျှော်တာလေ အင်္ကျီတစ်ထည်လျှော်တာထက် ပိုခက်တယ်နော်။ စက်နဲ့ လျှော်မယ်ဆို အင်္ကျီကလေ ဒီတိုင်း လုံးထွေးထည့်လိုက်ရင် ရတယ်ဆိုပေမယ့်လည်း Bra ကျတော့ ရေညှစ်တဲ့ အဆင့်ရောက်ရင် ချိတ်တွေ Bra ကြိုးတွေ ညှိကုန်တာနဲ့ အလုပ်တွေ ရှုပ်ကုန်ရော။ ဒါကြောင့်မို့ Bra ကို လက်နဲ့သေချာလေး အချိန်ပေးပြီး လျှော် တာအကောင်းဆုံးပါပဲနော် 

ဟေလေးက Bra လေးတွေမပျက်စီးအောင် လက်နဲ့လျှော်နည်းလေးရော စက်နဲ့ လျှော်နည်းလေးရောမျှဝေပေးပါမယ်။

လက်နဲ့လျှော်မယ်ဆိုရင်

ဇလုံလေးတစ်ခုရယ်၊ ရေနွေးနွေးလေးရယ် လျှော်မယ့် ဆပ်ပြာမှုန့်ရယ် လိုပါမယ်။

(၁) လျှော်မယ့် Bra လေးကို ဇလုံထဲမှာထည့်ပါ 

(၂) ဆပ်ပြာမှုန့်ထည့်ပြီးတော့ ရေနွေးလေးနဲ့ စိမ်ထားပါ (ဆပ်ပြာမှုန့်ကိုတော့ လက်မစားအောင် ဟေလေးက E-Lan Ultra ပဲသုံးဖြစ်ပါတယ်)

(၃) စိမ်ထားပြီးတဲ့ Bra ကို လက်လေးနဲ့ ညင်ညင်သာသာလေး သေချာပွတ်လျှော်ပါ

(၄) ဆပ်ပြာစင်အောင်ရေနဲ့သေချာဆေးပါ

ဟေလေးတို့ Bra တွေကို စက်နဲ့လျှော်မယ် ဆိုရင်တော့ မပျက်စီးအောင်တော့ နည်းနည်းသတိထားရမယ်နော် 

စက်နဲ့လျှော်တဲ့အခါ

(၁) ဖော့ခံတွေပါတတ်တာမို့ Bra ထည့်လျှော်တဲ့ အိတ်လေးတွေရှိရင်တော့ အဲဒါလေးတွေထဲ အရင်ထည့်ပြီး လျှော်တာ ပိုကောင်းပါတယ်။

(၂) ကြိုးတွေဖြုတ်လို့ရရင် ဖြုတ်ပြီးထည့်ပါ

(၃) စက်နဲ့လျှော်တဲ့အခါ Delicate Mode ကိုရွေးလျှော်ပါ

ဟေလေးကတော့ ကိုယ်အားတဲ့ အချိန်ပေါ်မူတည်ပြီးတော့ လက်နဲ့လျှော်တာထက် စက်နဲ့ပိုလျှော်ဖြစ်တယ်။

အခုဆို ဟေလေးတို့ Bra လှလှလေးတွေ သေချာလျှော်နည်းလေး ရေးပြထားတာမို့ ဖတ်မိတဲ့ သူငယ်ချင်းတွေလည်း အဆင်ပြေမယ်လို့ ယုံကြည်ပါတယ်။

နောက်နေ့မှာလည်း ချစ်တို့အတွက် ဟေလေးရဲ့ တခြား Tips and Tricks တွေကို မဟေသီကို ဖတ်တဲ့ ချစ်တို့ကို အများကြီး ပြောပြ ရေးပြဦးမှာမို့ ဟေလေးတို့ကို စောင့်ဖတ်ဖို့ မမေ့နဲ့နော်။