ရှူးဖိနပ်တွေက စီးရတာ သက်တောင့်သက်သာ ရှိတော့ သားလေးကို အပြင်သွားတိုင်း အမြဲတမ်းလိုလို ရှူးဖိနပ်ပဲ စီးပေးပါတယ်။ ကျောင်းသွားလည်း ဒီအတိုင်းပဲပေါ့။ သူက အားကစားလည်း ဝါသနာပါတော့ Sport Shoes လည်း ဝယ်ပေးထားရတယ်။ သိတဲ့အတိုင်း ကလေးက အဆော့သန်တော့ တစ်ခါတစ်လေကျရင် ဖိနပ်တစ်ခုလုံး ရစရာ မရှိအောင် ရွှံ့တွေ၊ ဗွက်တွေနဲ့ ညစ်ပတ်ပြီး ပြန်လာတတ်တယ်။ အဲဒီအခါကျရင် E-Lan ဆပ်ပြာမှုန့်ကို ထုတ်၊ ဘရက်ရှ်နဲ့ တိုက်ပြီး သန့်ရှင်းပေးရတော့တာပဲ။

 

ဒီလို ရှူးဖိနပ်ကို ဆပ်ပြာမှုန်နဲ့ ဆေးမယ်ဆိုရင်၊ မဆေးခင် ဖိနပ်မှာ ပါတဲ့ Label ကို အရင်ဖတ်ပေးပါ။ တချို့ ဖိနပ်အသားတွေက ရေကြောင့် ပျက်စီးတတ်သလို၊ ဆပ်ပြာကြောင့်လည်း ပျက်စီးတတ်ပါတယ်။ ဒါကြောင့် ဖိနပ်ကို မဆေးကြောခင်မှာ၊ ဖိနပ်မှာပါတဲ့ Label ကို ဖတ်ပြီး ဆေးလို့ ရ၊ မရ သေချာပြီဆိုမှ ဆေးတာ အကောင်းဆုံးပါပဲ။ အခု ကျွန်မ ပြောပြမယ့် Sport Shoes ဆေးတဲ့နည်းကတော့ အင်မတန်မှ ရိုးရှင်းပြီး လွယ်ပါတယ်နော်။

 

အဆင့် (၁) - ရှူးဖိနပ်ကနေ ဖိနပ်ကြိုးကို ဖြုတ်ပါ။ ရှူးဖိနပ် သပ်သပ်၊ ကြိုးသပ်သပ် လျှော်ပေးရမှာ ဖြစ်ပါတယ်။

 

အဆင့် (၂) – E-Lan ဆပ်ပြာမှုန့်နဲ့ ရေနဲ့ ရောပြီး ဆပ်ပြာရည်ဖျော်ပါ။

 

အဆင့် (၃) - သွားတိုက်တံလိုမျိုး ဘရက်ရှ် အသေးလေးကို အသုံးပြုပြီး ဆပ်ပြာရည်နဲ့ ဖိနပ်အနှံ့ကို တိုက်ချွတ်ပေးရပါမယ်။ (ညစ်ပတ်နေတဲ့ နေရာတွေကို အားနဲ့ တိုက်ချွတ်ပေးပါ။)

 

အဆင့် (၄) - ပြီးရင် ဆပ်ပြာတွေ ပြောင်သွားအောင်ထိ ရေဆေးပေးရပါမယ်။

 

အဆင့် (၅) - နေရောင်ရပြီး လေတိုက်တဲ့ နေရာမှာ သဘာဝ လေနဲ့ အခြောက်ခံပါ။

 

မှတ်ချက်:

အဆင့် (၃) အတိုင်း ရေနဲ့ ဆေးပြီးလို့၊ ဖိနပ်မှာ အညစ်အကြေးတွေ ကျန်နေသေးရင် အပေါ်က အဆင့် (၂) ဆင့်အတိုင်း ပြန်ဆေးနိုင်ပါတယ်။ ဖိနပ် အညစ်အကြေးတွေ လုံးဝ ပြောင်သွားအောင်ထိ ဒီအဆင့်တွေအတိုင်း ဆေးနိုင်ပါတယ်။

 

သိပ်လည်း မပင်မပန်းနဲ့ အလုပ်မရှုပ်တဲ့ နည်းလမ်းဖြစ်လို့ အားလုံးကို မျှဝေပေးလိုက်ပါတယ်နော်။ ကျွန်မ ပြောတဲ့ ဒီနည်းလမ်းအတိုင်း ဆိုရင်၊ အချိန်တိုအတွင်းမှာပဲ ရှူးဖိနပ်ကို အညစ်အကြေးတွေ ပြောင်အောင် ဆေးကြောနိုင်မှာပဲ ဖြစ်ပါတယ်။ ကိုယ့်ကလေးရဲ့ ရှုးဖိနပ်က သန့်သန့်လေးနဲ့ အသစ်ကလေးလို ဖြစ်သွားမှာ အသေအချာပါပဲ။