ကိုယ့်ကလေးရဲ့ အမွှေးပွ အရုပ်လေးကို ဘယ်လိုလျှော်ပေးမလဲ

ကလေးတွေရဲ့ အမွှေးပွ ရုပ်လေးတွေက သန့်ရှင်းပေးဖို့ လိုလို့လားလို့ မေးလာရင် အမေတစ်ယောက်အနေနဲ့ ကျွန်မကတော့ ၁၀၀% လိုအပ်တယ်လို့ ဖြေချင်ပါတယ်နော်။ ဘာလို့လဲဆိုတော့ ကလေးတွေက သူတို့ရဲ့ အရုပ်တွေနဲ့ ဘယ်တော့မှ မခွာဘူးလေ။ ဘယ်သွားသွား အရုပ်ကလေး ယူသွားရမှ၊ အိပ်ပြီဆိုရင်လည်း အရုပ်လေး ဖက်ပြီး အိပ်ရမှ၊ အဲလိုဆိုတော့ အဲဒီ အရုပ်ကလေးကသာ ဖုန်တွေ၊ အညစ်အကြေးတွေကြောင့် မသန့်မရှင်း ဖြစ်နေရင် ကလေးမှာ ရောဂါပိုးဝင်ပြီး နာမကျန်း ဖြစ်နိုင်ပါတယ်။ နောက်ပြီး ကလေးတွေနဲ့ အနီးအနားမှာ ရှိတဲ့ အရာတိုင်းက သန့်ရှင်းနေဖို့ လိုအပ်တယ်လေ။ ဒါမှလည်း သူတို့လေးတွေ ကျန်းမာ ပျော်ရွှင်ပြီး နေထိုင်လို့ ကောင်းမှာပါ။ သူတို့လေးတွေ ကျန်းမာ ပျော်ရွှင်တယ်ဆိုရင် မေမေတွေလည်း ပျော်ရတယ်မဟုတ်လား။

 ဒါကြောင့် အခု ကျွန်မ ပြောပြပေးချင်တာကတော့ သူတို့ရဲ့ ဝက်ဝံရုပ်လေးတွေလို အမွှေးပွ အရုပ်လေးတွေကို သန့်ရှင်းသွားအောင် လျှော်ဖွပ်တဲ့ နည်းပါပဲ။ မေမေတွေ မဖြစ်မနေ သိထားသင့်တဲ့ အကြောင်းအရာပါနော်။

 

အရုပ်ရဲ့ အမွှေးတွေကို ဘယ်လိုမျိုး သန့်ရှင်းနိုင်လဲ??

အမြဲတမ်းတော့ အရုပ်တစ်ခုလုံးကို သန့်ရှင်းပေးနေဖို့ မလိုပါဘူး။ ဒါပေမယ့် ကလေးတွေက အဆော့မက်တော့ အရုပ်ရဲ့ အချို့နေရာတွေမှာ ညစ်ပတ်နေတတ်ပါတယ်။ ဥပမာ - ရေခဲမုန့်စားနေရင်း အရုပ်မှာ ရေခဲမုန့် ပေသွားတာမျိုးပေါ့။ အဲဒီလိုမျိုး ဖြစ်သွားပြီဆိုရင် …

 

၁။ အရင်ဆုံး အရုပ်မှာပါတဲ့ ညွန်ကြားချက် Label ကို အရင်ဖတ်ရမှာပါ။ (Label ကို မဖတ်မိဘဲ အဆင်ပြေသလို လျှော်လိုက်လို့ အရုပ်တစ်ခုခု ပျက်စီးသွားမယ်ဆိုရင် ကလေးက စိတ်ညစ်သွားတော့မှာပါ။)

 

၂။ Label မှာ ဒီအရုပ်က လျှော်လို့ ရတယ်လို့ ပြောထားတယ် ဆိုရင်တော့၊ အရုပ်ရဲ့ ညစ်ပတ်သွားတဲ့ နေရာကို ရေအရင် ဆွတ်ပေးပါ။ (အရုပ်တစ်ခုလုံးကို မဆိုလိုပါ။)

 

၃။ ပြီးရင် အဲဒီညစ်ပတ်တဲ့နေရာကို E-Lan ဆပ်ပြာရည် ထည့်ပေးပါ။

 

၄။ အားနဲ့ မဟုတ်ဘဲ ညင်ညင်သာသာပဲ ညစ်ပတ်နေတာကို တိုက်ချွတ်ပါ။

 

၅။ ပြီးရင် ရေစိုနေတဲ့ အဝတ်စ တစ်ခုနဲ့ ဆပ်ပြာတွေ စင်သွားအောင် သုတ်ပါ။ ရေနည်းနည်းလောက်နဲ့လည်း ဆေးကြောသန့်စင်နိုင်ပါတယ်။ ရေတွေ အရမ်း မစိုအောင်တော့ သတိထားပါ။

 

၆။ နေပူလှန်းပြီး လေကောင်းလေသန့်ရတဲ့ နေရာမှာ အခြောက်ခံပါ။

 

ဒါကတော့ ညစ်ပတ်သွားတာကို မြင်မှ ညစ်ပတ်တဲ့ နေရာလေးကိုပဲ ကွက်ပြီး လျှော်တာပေါ့နော်။ ပုံမှန်အားဖြင့် အရုပ်တစ်ခုလုံးကိုလည်း လျှော်ပေးသင့်ပါတယ်။ တကယ်လို့ အရုပ်မှာ ပါတဲ့ Label မှာ လျှော်လို့ရတယ်လို့ ရေးထားတယ်ဆိုရင် ကျွန်မတို့ အဝတ်လျှော်စက်နဲ့ လျှော်နိုင်ပါတယ်။

 

ဝက်ဝံရုပ်လေးကို အဝတ်လျှော်စက်နဲ့ ဘယ်လို လျှော်မလဲ?

အမွှေးပွ အရုပ်တိုင်းကတော့ စက်နဲ့ လျှော်ဖို့ မသင့်ပါဘူး။ အင်မတန် ပျော့ပြီး နူးညံ့တဲ့ အသားနဲ့ လုပ်ထားတဲ့ အရုပ်မျိုး၊ အထဲမှာ ဖော့လုံးလေးတွေ ပါတဲ့ အရုပ်တွေမျိုးဆို  စက်နဲ့ လျှော်လို့ အဆင်မပြေနိုင်ပါဘူး။ အရမ်းဟောင်းနေပြီ ဖြစ်တဲ့ အရုပ်တွေဆိုရင်လည်း မလျှော်သင့်ပါဘူး။ တကယ်လို့ ကိုယ့်ကလေး ဆော့နေကြ ဝက်ဝံရုပ်လေးက စက်နဲ့ လျှော်လို့ရတယ်ဆိုရင်တော့ အခုပြောပြမယ့် နည်းလမ်းတွေအတိုင်း စက်နဲ့ လျှော်ဖွပ်နိုင်ပါတယ်။

 

၁။ဝက်ဝံ အမွှေးပွရုပ်မှာ အဝတ်အစား တစ်ခုခု ထပ်ဝတ်ပေးထားတယ် ဆိုရင်၊ အဲဒါကို ဖြုတ်ပါ။ အဲဒါမှ စက်ထဲမှာ ငြိမနေမှာ ဖြစ်ပါတယ်။

၂။ အရုပ်မှာ အပေါက်အပြဲတွေရှိနေရင် မလျှော်ခင် အရင် ပြန်ဖာရပါမယ်။ အမွှေးအမ ျှင် အစအနတွေ ထွက်နေရင် ညှပ်ပစ်ပေးပါ။

၃။ စက်မှာ Delicate နဲ့ လျှော်ရင် သုံးတဲ့ ပိုက်ကွန်လို အိတ် (သို့) ခေါင်းအုံးစွပ်ထဲကို အရုပ်ကို ထည့်ပါ။

၄။ E-Lan ဆပ်ပြာမှုန့်ကို သုံးပြီး အဝတ်လျှော်စက်မှာ Delicate (သို့) Hand-wash Cycle နဲ့ လျှော်နိုင်ပါပြီ။

 

စက်နဲ့ မဟုတ်ပဲ လက်နဲ့လည်း လျှော်နိုင်ပါတယ်။ အရမ်းဟောင်းနေတဲ့ ဝက်ဝံရုပ်မျိုးနဲ့ လက်နဲ့ လျှော်နိုင်ပါတယ်။

၁။ အဝတ်လျှော် ဇလားထဲမှာ ရေအေးနဲ့ ဆပ်ပြာမှုန့်နဲ့ ထည့်ပြီး ရောမွှေပါ။

၂။ ဝက်ဝံရုပ်ကို ဇလားထဲ နှစ်လိုက်ပါ။ အရုပ်တစ်ခုလုံး ရေစိုသွားအောင် ခဏစောင့်ပါ။

၃။ ပြီးရင် အရုပ်ကို ပြန်ဆယ်ပြီး ဆပ်ပြာရည်တွေ ကုန်သွားအောင် စောင့်ပါ။

၄။ ဆပ်ပြာရည်တွေ လုံးဝ ကုန်သွားအောင်ထိ ရေနဲ့ ဆေးပါ။

၅။ နေရောင်ရပြီး လေကောင်းလေသန့်ရတဲ့ နေရာမှာ အခြောက်ခံပါ။

 

ဒါနဲ့ သတိထားရမယ့် တစ်ခု ရှိပါသေးတယ်။ အဲဒါကတော့ ရေနွေးနဲ့ မလျှော်ရပါဘူး။ အရုပ်ရဲ့ အမွှေးလေးတွေကို ထိခိုက်နိုင်တဲ့အတွက်ကြောင့်ပဲ ဖြစ်ပါတယ်။

 

လျှော်ပြီးသွားရင်တော့၊ ရေတွေ စင်သွားအောင် မျက်နှာသုတ်ပုဝါ ဖြစ်ဖြစ်၊ တစ်ခုခုနဲ့ သုတ်ပေးသင့်ပါတယ်။ ပြီးရင် နေပူထဲမှာ အခြောက်လှန်းနိုင်ပါပြီ။ အဝတ်တန်းမှာ ချိတ်ဆွဲပြီး လှန်းတာမျိုး သိပ်မသင့်တော်ပါဘူးနော်၊ အရုပ် ပုံပျက်သွားနိုင်ပါတယ်။ ခြောက်သွားရင် ဘီးလေးနဲ့တောင် အရုပ်ရဲ့ အမွှေးတွေကို ဖြီးပေးနိုင်သေးတယ်နော်။

 

ဒီလောက်ဆို အရုပ်လျှော်တာနဲ့ ပက်သက်ပြီး တော်တော်လေး စုံပြီ ထင်ပါတယ်။ လေ ျှာ်ပေးနေကြ မမေတွေကတော့ ဒီနည်းကို သိပြီးသား ဖြစ်မှာပါ။ မသိသေးတဲ့ မေမေတွေကတော့ ဒါဖတ်ပြီးတာနဲ့ လျှော်ပေးဖို့ စဉ်းစားသင့်ပြီနော်။ ဒီအရုပ်က မသန့်ရှင်းပေးတာ ဘယ်လောက်ကြာပြီလဲ ဆိုတာ ချိန်ဆပြီး လျှော်ပေးသင့်ပါတယ်နော်။